مطعم الاب و الابن " حلم الطباخ "

في مطعم كبير وضخم، كان زياد بيشتغل شيف. كان شاطر جداً، إيده بتعمل أكل بيبهر الناس. بس الضغط كان رهيب. الطلبات كتير، الوقت ضيق، والمدير دايماً متوتر. زياد كان بيحب الطبخ، بس الشغل في المكان ده كان بيسحب منه روحه يوماً بعد يوم. زياد كان متجوز نادين. وكانت هي كمان شيف موهوبة. في يوم من الأيام، قبل ما إياد يتولد، قعدوا مع بعض وقالت له: "يا زياد... أنا نفسي نفتح حاجة تخصنا. عربية أكل صغيرة. نسميها باسمنا. نطبخ فيها براحتنا. نعمل أكل فيه روحنا إحنا." زياد ابتسم وقالها: "يوم ما نستقر، هنعملها يا نادين." بس الأيام جريت…