صوت من القصر

ما نعستش ديك الليلة كاملة. الوردة السوداء بقات فوق الكتاب كتتنفس، وكل مرة كنت كنحاول نغطيها، كنسمع نفس الصوت: "أجي..."

مع الفجر، هزيت الكتاب ورجعت لنفس البلاصة فالصحراء. القصر المهجور كان كيبان قريب كتر من البارح، بحال إلا قرب لعندي هو.

دخلت من الباب المهرس. الريحة ديال العفن والبخور القديم خانقاني. فالوسط ديال القصر، كاينة مرايا كبيرة مشقوقة، وفيها... بنت. نفس عمري، نفس وجهي، ولكن لابسة قفطان كحل و شادا نفس الوردة السوداء.

قالت ليا وهي كتبتاسم، و الدم نازل من عينيها:

"أنا كنتي نتي قبل 100 عام. أنا اللي كتبت الكتاب، وأنا اللي زرعت الوردة. و دابا جا دورك باش تكملي اللعنة"

المرايا تهرسات، و الكتاب اللي فيدي بدا كيسخن بزاف حتى طاح من يدي. الصفحة الأولى كتب فيها بوحدها، بالدم:

"الاسم الثاني: ليلى... ريم"

سميتي أنا.