الوردة اللي ما كتموتش 🥀

رسالة مني ليكم 🥀

أنا ريم، و هادي ماشي غير رواية... هادي أول حلم كنكتبو بيدي.

"لعنة الوردة السوداء" كتبتها فالليالي اللي كنت كنحس فيها بالوحدة، كنت كنهرب للصحراء، للقصر المهجور، للوردة اللي ما كتموتش.

إلا قريتي هاد الرواية ولقيتي راسك فيها، عرفي بلي نتي ماشي بوحدك.

كلنا فينا وردة كحلة مخبية، وكلنا كنقلبو على اللي يفهمنا بلا ما نحضرو.

كنبغي نقول شكرا لأي واحد غادي يقرا، يدير فوت، ويخلي كومنت. كلامكم هو اللي كيخليني نكمل.

بكل حب... ريم ? دبا ندخل فل قصه😊

الضبابة كانت نازلة على القصر المهجور، والبرد كيقطع فالصحراء ديال آزرو.

أنا ليلى، 19 عام، كنت راجعة من الليسي حتى بان ليا شي حاجة كتلمع وسط الرملة. قربت... لقيت كتاب قديم، غلافو جلد محروق، محلول فالوسط، وفوقو وردة كحلة، كحلة بزاف، والقطرات الحمر كيهبطو منها بحال الدم باقي سخون.

هزيتو بيدي، وفديك اللحظة بالضبط، القصر اللي قدامي اللي كان ساكت 100 عام، شعل فيه الضو بوحدو.

سمعت صوت فودني، ماشي صوت إنسان، صوت كيهمس:

"قريتيه... وليتي ديالو دابا"

هربت للدار، رميت الكتاب فوق البيرو، ولكن مع 3:33 ديال الليل، فقت على صوت الوراق كيتقلبو بوحدهم. الكتاب كان محلول، والحروف اللي فيه، حروف حمر وزرق كيضويو، والوردة السوداء...

كانت كتتنفس.

عرفت ديك الساعة بلي هادي ماشي غير قصة، هادي لعنة، وأنا يالاه بديت فيها.

?