بنت السيوفي

صفية :لخديجة يلا خديجة أنتي والبنات ساعدو بعض وحطوا الأكل علي السفرة تسلم إيدك يا بنتي، خديجة: تسلمي ياما وأنا أسفة إني إتأخرت .صفية،: يلا حصل خير .وهما علي الأكل يدخل خالد : السلام عليكم الله ده أنا حماتي بتحبني بقا والله مانتو قائمين لا سلام علي طعام. الحاج أحمد: حمدالله علي السلامة يا ولدي مقولتش إنك جاي خالد:مقدرش محضرش يا حاج نتيجة البنات هتظهر النهاردة قلت أبدا لازم أحضر مع خديجة اللحظة دي الجد عبدالله:فيك الخير يا خالد علي العموم مدير المدرسة كلمني وقالي كلها ساعة وتطلع خير بإذن الله .خالد : تسلم إيدك يا أمي الفتة تجنن .عائشة :خديجة الي عملاها حلوة مش كده .خالد :طبعا تسلم إيدك يا خديجة مكنتش أعرف إنك شاطرة كده بقيتي عروسة زي القمر .خديجة (بخجل): تسلم يا أخوي.

صفية: .

الحاج أحمد: يلا يا جماعة كلوا قبل ما الأكل يبرد

(يرن تليفون الجد عبدالله)

الجد عبدالله: ألو… أيوة يا أستاذ حامد بتقول إيه تسلم ياوش السعد ماشي متشكرين.

خالد (بلهفة): هااا يا جدو؟

الجد عبدالله (وهو مبتسم): ألف مبروك يابنات، النتيجة طلعت وكلكو نجحتوا .خديجة:كام يا جدو أنا جبت كام.الجد أنتي أعلي درجة فيهم ٩٨٪ مبروك يا حبيبة جدك.

خديجة (وعينيها بتدمع): بجد يا جدو؟

الجد عبدالله: بجد يا بنتي ربنا مضيعش مجهودك ياحبيبة جدك.

خالد: شوفتي؟ قلتلك ربنا مش بيضيع تعب حد، مبروك يا ديجا.

خديجة: الله يبارك فيك أنا مش مصدقة حلمي هيتحقق أخيرا هتبقي مهندسة زيك. خالد : مهندسة مرة واحدة يا خديجة عشان كده صممتي تدخلي علمي رياضة صح؟

خديجة : طبعا يا خالد ده حلمي من زمان ومش ممكن أفرط فيه. مها: وأنا يا جدو جبت كام ؟

الجد: إنتي يامها جبتي ٨٥٪ مبروك يا حبيبتي .هانم : وداليا يابا ؟ الجد(بتوتر): داليا جابت 65%مبروك يا داليا .هانم : ٦٥٪ يا خلفة الشوم والندامة ومدرسين داخلين ومدرسين خارجين بتعملي ايه يا داليا بذاكر ياما دي أخرة المذاكرة يا ختي ودي تروحيبها فين أعمل فيكي إيه . الجد : إهدي يا بنتي كل حاجة محلولة بإذن الله نتيجة داليا حلوة يا بنتي كل واحد علي قد جهده صلي علي النبي وإستهدي بالله هتدخل كلية حلوة متقلقيش لو بالفلوس حتي . هانم شوفت بنات خوالها يرفعوا الرأس إنما أعمل إيه في إلي حيلتي دلعي الماسخ هو إلي بوظها الكلية إلي هيجبها مجموعها هي إلي هتدخلها تستحمل نتيجة إهمالها بت يا داليا فزي قدامي علي فوق وما سمعش حسك إخفي طلعت داليا لأوضتها بدموع وطلعت وراها أمها .هنية لمها :مبروك يابنتي ناوية تدخلي كلية إيه بقي !

مها:هطلع لداليا الأول يا أمي أواسيها وأرجع نتكلم. صفية هندسة إيه إلي عايزة ادخليها يا خديجة لحد هنا وكفاية علام وده أخر كلام عندي ومشيت .

ياتري إيه إلي هيحصل لو الرواية عجبتكم أتمني تشجعوني😍