ماترجعش بعد الساعه12

الساعة كانت داخلة على 12 بليل، والشارع فاضي تمامًا. مفيش غير نور عمود لمبة بيطفي وينور كأنه بيحذر أي حد يعدي من هنا. كنت ماشي بسرعة، عايز أوصل البيت وخلاص. بس المشكلة إن الطريق ده أنا عارفه كويس… وعارف إن محدش بيمشي فيه بعد نص الليل. عديت من جنب البيت القديم… البيت اللي الناس بتقول عليه مسكون. ضحكت ساعتها وقلت في سري: "كلام فارغ… مفيش الكلام ده." وأنا بعدي من جنب السور، سمعت صوت باب بيصرّ… صوت طويل، كأن حد بيفتح باب ببطء. وقفت مكاني. بصيت على البيت. الباب كان مقفول. فضلت باصص شوية، وبعدين هزيت دماغي وقلت أكيد…